13 üktäberdä Rusiäneñ Yevropa öleşe dini idaresendä Rusiäneñ möftilär şurası räise şäyx Rawil xäzrät Ğäynetdin Ramazan ayı uñayınnan matbuğat oçraşuı ütkärde. Rusiäneñ üzäk häm çit il televidenieläre, radio, gazeta, jurnalllardan kilgän jurnalistlarğa Ramazan ayı xaqında söyläde häm alarnıñ sorawlarına cawaplar birde. Rawil Ğäynetdin böten Rusiä külämendä dä böten dönya möselmannarı belän bergä 14 üktäber kiçendä tarawix namazları başlana, 15 üktäber tañında möselmannar säxärgä toralar dide. Bu ay izge ğämällär, tän häm can urazası bulu belän bergä, fıtır sädäqäları häm zäkätlär birü ayı da, dide möfti. Qızıqsınıp soraw birgän curnalistlarğa ul İslamnıñ qayber qanunnarın da añlattı. Häm Ramazan ayında tınıçlıq, iminlekkä ömetlären belderep, Fälästin, Ğiraq, Äfğanstan, Tönyäk Kavkaz möselmannarı da qan, yäş tükmi izge Ramazan ayın şatlıqta ütkärsälär ide, digän telägen äytte.
Şulay uq Rawil Ğäynetdin şuşı aralarda ğına Rusiäneñ möftilär şurası qarşında xoquq yaqlawçı "Äl- Xaq" dip atalğan yaña oyışma tözelüe xaqında xäbär itte. Terrorçılıqnı islam belän bäyläp, bezgä törle yala yağalar. Bezneñ üzebezneñ, yağni möselmannarnıñ xoquq yaqlawçı üzäge küptän bulırğa tieş ide inde, dide Rawil Ğäynetdin. Dini idarä räisenä şulay uq, Mäskäwdä 20 meñnän artıq urıs möselmannarı barlığı bilgele, alar belän maxsus şöğellänüçe oyışma barmı digän soraw da birelde. Ul sorawğa Rawil Ğäynetdin Mäskäwdä möselman dinen qabul itüçelär könnän kön arta. Bez moña bik şat. Alar belän şöğellänüçe maxsus oyışma yuq, alar barısı da möselman bulıp sanala ikän, möselmannarğa farız bulğan ğämällär alarğa da farız dide. Äytep ütelgän matbuğat oçraşuınnan soñ Rawil xäzrät Ğäynetdin “Azatlıq” radiosı tıñlawçıların da yaqınlaşıp kilgän Ramazan ayı belän qotladı. Xäzer anıñ qotlawların sezneñ iğtibarğa täğdim itäm.
Audio
Sez Rusiä möftiläre şurası räise Rawil Ğäynetdinneñ Ramazan ayı tuu uñayınnan qotlawların tıñladığız.
Näzifä Kärimova, Mäskäw
Şulay uq Rawil Ğäynetdin şuşı aralarda ğına Rusiäneñ möftilär şurası qarşında xoquq yaqlawçı "Äl- Xaq" dip atalğan yaña oyışma tözelüe xaqında xäbär itte. Terrorçılıqnı islam belän bäyläp, bezgä törle yala yağalar. Bezneñ üzebezneñ, yağni möselmannarnıñ xoquq yaqlawçı üzäge küptän bulırğa tieş ide inde, dide Rawil Ğäynetdin. Dini idarä räisenä şulay uq, Mäskäwdä 20 meñnän artıq urıs möselmannarı barlığı bilgele, alar belän maxsus şöğellänüçe oyışma barmı digän soraw da birelde. Ul sorawğa Rawil Ğäynetdin Mäskäwdä möselman dinen qabul itüçelär könnän kön arta. Bez moña bik şat. Alar belän şöğellänüçe maxsus oyışma yuq, alar barısı da möselman bulıp sanala ikän, möselmannarğa farız bulğan ğämällär alarğa da farız dide. Äytep ütelgän matbuğat oçraşuınnan soñ Rawil xäzrät Ğäynetdin “Azatlıq” radiosı tıñlawçıların da yaqınlaşıp kilgän Ramazan ayı belän qotladı. Xäzer anıñ qotlawların sezneñ iğtibarğa täğdim itäm.
Audio
Sez Rusiä möftiläre şurası räise Rawil Ğäynetdinneñ Ramazan ayı tuu uñayınnan qotlawların tıñladığız.
Näzifä Kärimova, Mäskäw
