Belarusnıñ üzäk saylaw komissiäse – tawış birüçelär Aleksandr Lukaşenka'nıñ 3nçe möddätkä prezident itep saylana aluı öçen konstitusiä mäddäsen üzgärtüne xupladı, häm parlamentqa xökümät yaqlı namzätlärne sayladı, dip xäbär itte. Komissiä başlığı Lidiya Ermoshina süzlärenä qarağanda, tawış birüdä barlığı xalıqnıñ 90%tı qatnaşqan, alarnıñ 77%tı Lukaşenkanıñ 2006nçı yılda üzen 3nçe möddätkä namzät itep çığaru täqdimen xuplağan. 110 keşelek parlamentqa oppozisiädän ber genä namzät tä ütä almağan. Oppozisiä saylawlarda xärämläşülär buldı, dip belderä. Yevropada İminlek häm Xezmättäşlek Oyışması küzätüçeläre – tawış birü demokratik saylawlardan yıraq ide, dip xäbär itte. Tulıraq mäğlümat berniçä minuttan Azatlıqnıñ xalıqara küzätülärendä bulaçaq.
