Accessibility links

Кайнар хәбәр

Yevropada İminlek häm Xezmättäşlek Oyışması Ukrainada süz iregen bozmasqa çaqıra


Yevropada İminlek häm Xezmättäşlek Oyışmasınıñ mäğlümat çaraları ireklege öçen cawaplı wäkile Miklos Haraszti, könçığış Ukraina räsmilären bäysez mäğlümat çaralarına basım yasawda ğayepläde, häm Kievnı süz iregen qaytırarğa çaqırdı. Haraszti bu xaqta Venada belderde. Ukrainanıñ Donetski, Xarkov, Luganski häm Ujgorod ölkälärendä televideniäneñ 5nçe kanalı tapşıruların tuqtatqannar, TV Era kanalı, üz tapşırularınıñ Donetski häm Luganskida kürsätelmägänen belderde. Bügen Germaniä kanslerı Gerhard Şröder häm Rusiä prezidentı Vladimir Putin telefondä söyläşkändä Ukrainada prezident saylawlarınnan soñ tuğan wazğiät mäs'äläsendä fiker alışqan. Germaniä xökümäteneñ matbuğat wäkile Bela Anda süzlärenä qarağanda, ike citäkçe – Ukrainada yaña saylawlarnıñ näticäläre belän isäpläşergä kileşte, dip belderde. Rusiä däwlät duması räise Boris Grızlov, krizisqa çişeleş tabılmasa, Ukrainanı büleneş yä köç qullanu kötä, dide. Germaniä yaña saylawlar ütkärüne nizaqtan çığu öçen iñ yaxşı yul dip sanıy.
XS
SM
MD
LG