Tağın berniçä säğättän Katolik çirkäw ruxanie Rim papası İoann Pavel Vatikannıñ İzge Petr sarayında Raştua tantanasın aça. Dönya xristiannarı Ğäysä piğämbärneñ tuğan könen bäyräm itä başlıy. Awır xastalıq kiçergän 84 yäşlek Papanıñ wäğäzen bar dönya buylap millionlağan keşe küzätäçäk. Tamaşa 70tän artıq ildä turı efirda kürsätelä. İrtägä kön urtasında Papa İzge Petr sarayına qabat kilep üzeneñ ğädättäge "Urbi et Orbi" ("İlgä häm dönyağa") Raştua möräcäğäten uqıyaçaq.
