Ğiraq Eçke eşlär Ministrlığı belderüençä, uzğan töndä Bağdadta bulğan şartlaw näticäsndä 28 keşe häläk bulğan, şul sanda 7 politsiä xezmätkäre. Politsiä monı ğisyançılar tarafınnan oyıştırılğan qapqan dip atıy. Başta ber yortta atışu tawışları işetelgän. Politsiä törkeme kilügä anda köçle şartlaw yañığarağan. Yaqındağı 3 yort ta cimerelgän dip xäbär itelä. Kiçä Ğiraqnıñ politsiä büleklrenä bulğan xöcümnär näticäsendä 36 keşe häläk bulğan ide. Quşma Ştatlar häm Ğiraq räsmiläre äytüençä, ğisyançılar, Ğinwarnıñ 30na bilgelängän saylawlar aldınnan ildäge wağziätne qaqşatırğa tırışa.
