Accessibility links

Кайнар хәбәр

"Irish Times"nıñ Rusiädä peinsionerlar protestlarına bağışlanğan maqäläse


Atna azağında meñärlägän pensioner taşlamalarnı aqçalata tüläv turında ğinvar başında köçkä kergän qanunğa qarşı protest mitinglarında qatnaştı. Protestlar şulay uq xökümätneñ uzğan atnadağı kompromiss täqdimeneñ dä kire qağuluın kürsätä. Şuşı kompromiss kompensatsiäne arttırunı küz aldında tota. Protestlar dävam itäçäk. Bu Putinneñ biş yıllıq xakimiäte çorındağı iñ citdi krizis bulıp tora. Bu xaqta "İrish Times" (Ayriş Tayms) gazetasında bügen basılıp çıqqan maqälä " Putin taşlamalarnıñ qısqartıluı säbäple baım astında " dip atala.

Gazetanıñ yazuınça, Mäskävneñ Puşkin maydannda 65 yäşlek pensioner Vladimer Gulari bu Russiä xalqınıñ zur küpçelegen talau bulıp tora dip beldergän. Monda süz 1-nçe ğinvarda köçkä kergän transport, meditsina häm başqa taşlamalarnı aqçalata tüläv belän kopensatsiäläv turında bara. Russiä, reformalar sovet çorınnan qalğan praktikanı beterü, ekonomikanı real nigezlärgä esasän tözü öçen kiräk digän pozitsiädä tora. Läkin, pensionerlar häm oppozitsiädäge partiälär birelgän aqça taşlamalarnı qaplarlıq miqdarda tügel dip belderälär. Russiäneñ Pensionerlar Partiäsennän Lena Kaçeşvilineñ süzlärençä, taşlamalar urnına täqdim itelgän aqçanıñ miqdarı çığımnarnı qaplauğa yaqın da kilmi ikän. Uzğan atnada pensionerlar il külämendä yullarnı blogodalağaç, prezident Putin monıñ öçen cirle citäkçelärne ğäyeplägän häm xökümät aqçalata kompensatsiäneñ miqdarın arttırğan ide. Läkin, pensionerlar öçen bu citärlek tügel. İzevdan Lyubov Oveçkinanıñ belderüenä qarağanda, bu ayda aña kompensatsiä dip 100 rubel tülängän, Şuluq ayda şähär sovetı transportta aylıq biletneñ bäyäsen 125 sum dip bilgelägän. İnde meditsina häm kommunal xezmätlärne dä xisaplağanda iñ kimendä meñ sum küberäk kompensatsiä tülänergä tieş ikän. Şuşı reformalar Russiädäge 40 milion pensinernı qıyın xäldä qalıra. Uzğan atna azağında, Anavatan, Kompartiä häm Yabloko partiäse protest demonstratsiäläre oyıştırdılar. Bu partiälär Dävlät Duymasında öçtän ike küpçelekkä iä Putinneñ Berdäm Russiä partiäsenä qarşılıq kürsäterlek xäldä tügellär. Läkin, alar xäzer ğadi keşelär qatnaşqan uram protestların faydalanalar. Militsiä dä yullarnı blogadalağan pensionerlarnı qulğa alırğa bik ük telämi. Neftegä yuğarı bäyälär säbäple, Russiäneñ valyuta zapası 100 miliard dolanı uzıp kitte. Xökümät bu aqça çit illärgä burıçların tüläv öçen kiräk dip beldersä dä, opponentlar başta xalıqnıñ ixtiacın qänäğätländerergä kiräk dip belderälär. Yabloko blogınnan Sergey Mitroxin -İlneñ nefteden aqçası bulğanda, şulay xäräkät itü ikeyözlelek. Bu talau bulıp tora. Nefte xalıqnıñ tabiği baylığı- dip belderde.

Färit İdelle, Praga.
XS
SM
MD
LG