Monı amerikannarnıñ İranğa qarata säyäsätendä üzenä kürä ber borılış dip bäyäläp bula. İlneñ däwlät sekretare Condoleezza Rice, İran atom ımsınularınnan waz kiçsä, Quşma Ştatlar anıñ Dönya Säwdä oyışmasına kerüenä qarşı çığuın tuqtataçaq dip belderde. Moñardan tış Washington, İranğa sivil oçqıçlar öçen qayber kiräk-yaraqlar satıp alunı röxsät itärgä dä riza buluın äytä. Ämma Rice berük waqıtta, bu İranğa nindider ber büläk tügel, ä barı tik Yevropa illäre alıp barğan diplomatik tırışlıqlarğa yardäm itärlek ber ğämäl genä dip belderä:
Audio, Condoleezza Rice
"İranlılarnıñ Dönya Säwdä Oyışmasına kerü ğarizasına qarşı çığunı tuqtatu ölkäsendäge ğämällärebez maqsat itep diplomatik tırışlıqlarnı tağın da nığraq yaqlawnı quya" di Quşma Ştatlarnıñ däwlät sekretare Rice. Washington älege borılışnı üz İran säyäsäten Yevropa Berlege illärenekenä yaqınaytu, Könbatışnıñ Tährandağı citäkçelekkä berdäm qaraşta toruına ireşü teläge belän eşläde kebek. Monı prezident George Bushnıñ soñğı belderüe dä raslıy, ul da, xäzer inde Quşma Ştatlar häm Yewropa bu mäs''älädä ber tawış belän söyli dide:
Audio, George Bush
"Yevropadağı duslarıbız belän ber tawıştan söyläwebezgä min bik şat, İrandağı xakimiatkä, dönya alarnıñ anda atom qoralına iä buluına yul quymayaçağın citkerü eşendä Yevropadağı duslarıbız belän bergä buluğa bik ömetlänäm" di amerikan prezidentı. Urtaq säyäsät buldıruğa omtılu Yevropa yağınnan da sizelä, İran belän söyläşülär alıp barğan Britaniä, Fransiä häm Germaniä, ägär dä şul aralaşu uñay näticägä kitermäsä, bez Washingtonnıñ İran atom programması mäs''äläsen ul oçraqta İminlek Şurasına çığaru niäten yaqlayaçaqbız dip kisätä. Läkin İran üze Washingtonnıñ soñğı täqdimen, süz quyırtırlıq ähämiate bulmağan ber närsä dip kire qaqtı. Bu xaqta ilneñ atom programması ölkäsendäge söyläşülären alıp barğan Sirus Nasıri belderde. Ä İrannıñ tışqı eşlär ministrlığı wäkile Xämit Riza Asefi, bernindi rişwät tä, yanaw da İrannı qanuni xoquqınnan waz kiçüenä mäcbür itmiäçäk dide. Räsmi Tähran, mäğlüm ki, üzeneñ atom programmasın fäqät tınıç maqsatlarda ğına täräqqi itüen belderä.
Kärim Kamal
Audio, Condoleezza Rice
"İranlılarnıñ Dönya Säwdä Oyışmasına kerü ğarizasına qarşı çığunı tuqtatu ölkäsendäge ğämällärebez maqsat itep diplomatik tırışlıqlarnı tağın da nığraq yaqlawnı quya" di Quşma Ştatlarnıñ däwlät sekretare Rice. Washington älege borılışnı üz İran säyäsäten Yevropa Berlege illärenekenä yaqınaytu, Könbatışnıñ Tährandağı citäkçelekkä berdäm qaraşta toruına ireşü teläge belän eşläde kebek. Monı prezident George Bushnıñ soñğı belderüe dä raslıy, ul da, xäzer inde Quşma Ştatlar häm Yewropa bu mäs''älädä ber tawış belän söyli dide:
Audio, George Bush
"Yevropadağı duslarıbız belän ber tawıştan söyläwebezgä min bik şat, İrandağı xakimiatkä, dönya alarnıñ anda atom qoralına iä buluına yul quymayaçağın citkerü eşendä Yevropadağı duslarıbız belän bergä buluğa bik ömetlänäm" di amerikan prezidentı. Urtaq säyäsät buldıruğa omtılu Yevropa yağınnan da sizelä, İran belän söyläşülär alıp barğan Britaniä, Fransiä häm Germaniä, ägär dä şul aralaşu uñay näticägä kitermäsä, bez Washingtonnıñ İran atom programması mäs''äläsen ul oçraqta İminlek Şurasına çığaru niäten yaqlayaçaqbız dip kisätä. Läkin İran üze Washingtonnıñ soñğı täqdimen, süz quyırtırlıq ähämiate bulmağan ber närsä dip kire qaqtı. Bu xaqta ilneñ atom programması ölkäsendäge söyläşülären alıp barğan Sirus Nasıri belderde. Ä İrannıñ tışqı eşlär ministrlığı wäkile Xämit Riza Asefi, bernindi rişwät tä, yanaw da İrannı qanuni xoquqınnan waz kiçüenä mäcbür itmiäçäk dide. Räsmi Tähran, mäğlüm ki, üzeneñ atom programmasın fäqät tınıç maqsatlarda ğına täräqqi itüen belderä.
Kärim Kamal