Germaniäneñ BASF häm Rusiäneñ Gazprom şirkätläre Hannoverda barğan Xalıqara Säwdä Yärminkäsendä neft häm gaz tabu ölkäsendäge urtaq kileşügä qul quydı. İke şirkät citäkçeläreneñ qağäzlärne imzalawın Germaniä kanslerı Gerhard Şröder häm Rusiä prezidentı Vladimir Putin küzätep tordı. Kileşüneñ küläme turında xäbär itelmi.
Şröder häm Putin qatnaşında şulay uq Germaniäneñ Siemens şirkäte belän Rusiäneñ Timer Yulları şirkäte arasında 1 milliard 500 million yevrolıq kileşügä qul quyıldı.
Germaniägä Putin kiçä kilde.
