Comğa könne Aq Yortnıñ matbuğat wäkile Scott McClellan, AQŞ häm Britaniä burıçlarnı beterü mäsäläsendä kileşte, dip belderde:
"Bu täqdim Dönya Bankı, Afrikanıñ Tärräqiät Bankı häm Xalıqara Valüta Fondına bulğan burıçlarnı 100% sızıp taşlıy, bu 18 ilgä qağıla," dide McClellan.
Britaniä finans ministrı Gordon Brown, berniçä atna eçendä 40 milliard dollarğa yaqın burıç sızıp taşlanaçaq, dip belderde. Ägär dä burıçlardan arınu öçen tağın 20 il saylansa, sızıp taşlanaçaq burıçlarnıñ küläme 55 milliard dollarğa citergä mömkin. Bu illärgä bulğan taläplärne Waşingtondağı Aq Yort wäkile McClellan bolay dip añlattı:
"İldä idarä itü sistemasın kamilläşterü, korrupsiäne kimetü häm Xalıqara Valüta Fondı belän ildä tärräqiätkä kiteräçäk iqtisadi säyäsät alıp baru mäsäläsendä xezmättäşlek itü taläp itelä."
Ämma täqdimneñ ğamälgä aşuı öçen Britaniä belän Amerika Quşma Ştatlarnıñ ğına kileşüe citmi. Zur 8lekkä kergän başqa illär – Fransiä, Germaniä, İtaliä, Kanada, Yaponiä häm Rusiä üz süzen äytergä tieş.
Bügen şuşı mäsälädä söyläşüne inde ikençe kön däwam itkän älege illärneñ finans ministrları urtaq fikergä kilügä yaqınlaşa, dip xäbär itelsä dä, qarşılıqlar äle bar ikän.
Germaniä, burıçlarnı sızıp taşlağançı Afrika illärendä idarä sistemasınıñ yaxşıruın häm korrupsiägä qarşı köräşneñ näticälären kürergä teli. Yaponiä – burıçlarnı tulısınça ğafu itü – ähläqi ziyan tudıra ala, dip belderä.
Kampaniäne yaqlawçılar – Afrika illäreneñ burıçları sızıp taşlansa da , bu barıber – BMOnıñ dönyada xäyerçelekkä qarşı köräştä quyğan maqsatlarnıñ yartısına da ireşü bulmayaçaq, ämma şulay da – täqdim alğa taba zur adım dip bäyälänä.
Täqdimne yaqlawçılarnıñ berse, İrlandiäneñ tanılğan sänğatkäre Bono, şuşı könnärdä dönyanıñ iñ bay illäreneñ finans ministrlarına möräcäğät itte:
"Yarlılıqnı beterü öçen köräşkän, 21nçe ğasırda açlıqtan ülgän balalarğa yardäm itkän buın bula alabızmı bez? Min şuşı buınnı iskä alsınnar dip telim. Häm finans ministrlarına äytäse süzem şul – bu mömkinlekne qaçırmağız, üzegezneñ milli bayraqlarığıznı häm sannarnı çitkä quyıp – kiläçäkkä qarağız. "
Britaniä täqdimeneñ ikençe öleşe – Afrikağa yardämne ike tapqırğa arttıru mäsäläse kiläse ayda Zur 8lekneñ Şotlandiädä ütäçäk summitında qaralır dip kötelä. Alsu Qormaş
"Bu täqdim Dönya Bankı, Afrikanıñ Tärräqiät Bankı häm Xalıqara Valüta Fondına bulğan burıçlarnı 100% sızıp taşlıy, bu 18 ilgä qağıla," dide McClellan.
Britaniä finans ministrı Gordon Brown, berniçä atna eçendä 40 milliard dollarğa yaqın burıç sızıp taşlanaçaq, dip belderde. Ägär dä burıçlardan arınu öçen tağın 20 il saylansa, sızıp taşlanaçaq burıçlarnıñ küläme 55 milliard dollarğa citergä mömkin. Bu illärgä bulğan taläplärne Waşingtondağı Aq Yort wäkile McClellan bolay dip añlattı:
"İldä idarä itü sistemasın kamilläşterü, korrupsiäne kimetü häm Xalıqara Valüta Fondı belän ildä tärräqiätkä kiteräçäk iqtisadi säyäsät alıp baru mäsäläsendä xezmättäşlek itü taläp itelä."
Ämma täqdimneñ ğamälgä aşuı öçen Britaniä belän Amerika Quşma Ştatlarnıñ ğına kileşüe citmi. Zur 8lekkä kergän başqa illär – Fransiä, Germaniä, İtaliä, Kanada, Yaponiä häm Rusiä üz süzen äytergä tieş.
Bügen şuşı mäsälädä söyläşüne inde ikençe kön däwam itkän älege illärneñ finans ministrları urtaq fikergä kilügä yaqınlaşa, dip xäbär itelsä dä, qarşılıqlar äle bar ikän.
Germaniä, burıçlarnı sızıp taşlağançı Afrika illärendä idarä sistemasınıñ yaxşıruın häm korrupsiägä qarşı köräşneñ näticälären kürergä teli. Yaponiä – burıçlarnı tulısınça ğafu itü – ähläqi ziyan tudıra ala, dip belderä.
Kampaniäne yaqlawçılar – Afrika illäreneñ burıçları sızıp taşlansa da , bu barıber – BMOnıñ dönyada xäyerçelekkä qarşı köräştä quyğan maqsatlarnıñ yartısına da ireşü bulmayaçaq, ämma şulay da – täqdim alğa taba zur adım dip bäyälänä.
Täqdimne yaqlawçılarnıñ berse, İrlandiäneñ tanılğan sänğatkäre Bono, şuşı könnärdä dönyanıñ iñ bay illäreneñ finans ministrlarına möräcäğät itte:
"Yarlılıqnı beterü öçen köräşkän, 21nçe ğasırda açlıqtan ülgän balalarğa yardäm itkän buın bula alabızmı bez? Min şuşı buınnı iskä alsınnar dip telim. Häm finans ministrlarına äytäse süzem şul – bu mömkinlekne qaçırmağız, üzegezneñ milli bayraqlarığıznı häm sannarnı çitkä quyıp – kiläçäkkä qarağız. "
Britaniä täqdimeneñ ikençe öleşe – Afrikağa yardämne ike tapqırğa arttıru mäsäläse kiläse ayda Zur 8lekneñ Şotlandiädä ütäçäk summitında qaralır dip kötelä. Alsu Qormaş