İyülneñ ikençe atnasında şimbä könne “Tatarstan yäşläre” gäzite , Buryat respublikasına eş buyınça komandirovkağa barıp qaytqannan soñ tabibä Rufina Fättäxovanıñ mäqäläse basılğan. Ul “Buryatta niçek yäşilär ?-dip isemlängän .
Rufina xanım Fättaxova Tatarstanda bilgele şäxes.Ul üze Bötendönya tatar xatın-qızlarınıñ “Aq qalfaq” ictimaği oyışmasınıñ başqarma komitetı wäkile. Häm anıñ tormış iptäşe ataqlı tatar yazuçısı, tarixi romannar avtorı Nurixan Fättax ide.
Bayqal küleneñ könbatış yağında urnaşqan İrkutsk, annan 500 çaqrım yıraqlıqta bulğan Ulan –Ude şähärlärenä qädär Rufina xanım Fättaxovanıñ yulda kiçergän ğazapları turında xörmätle radio tıñlawçılar, sez üzegez uqırsız, ä menä bu töbäktä yäşäwçe töp millät häm anda yäşägän tatarlar tormışı turındağı yazmadan özeklärne uqıp kitärbez. Buryatlar turında ul bolay dip yazğan:
“Dönyada 520 meñ buryat isäplänä, şunıñ 249,5меңеБурят respublikasında, 49 meñe İrkutskida, 42,300е Çita ölkäsendä. Mongoliä häm Qıtayda da şaqtıy alar. Töp xalıq telendä ber genä mäktäp tä yuq, balalar baqçası da yuq. Mäktäplärdä fakul'tativ däreslär genä bar şikelle.Televidenie täwlegenä 15-20 minut buryatça tapşırular kürsätä, läkin tawlar arasındağı awıllar anı kürmilär dä işetmilär dä di.Radio şulay uq buryatça söylämi. Gäzitlär çığıştıra, ämma tirajları bik keçkenä didelär. Bu xäbärlär räsmi çığanaqlar tügel, , işetkän- kürgännär genä. Şuña kürä alar bik ük tögäl dä bulmasqa mömkin.”