Ğiraqta qorallı keşelär AQŞ xärbi bazasına eşçelär alıp baruçı aftobusqa höcüm itep 13 keşene üterde.
Bügen ildä törle höcümnär näticäsendä 20-dän artıq keşe hälak buldı. Uzğan şimbädän birle Ğiraqta barlığı 120-läp keşe üterelde.
Ğiraqta atış näticäsendä Ğiraq konstitutsiä komitetınıñ sönni äğzası da üterelde.
Älege üterü aldınnan ğına prezident Cäläl Talabani yaña konstitutsiäneñ bu ay axırına, bilgelängännän 2 atna aldaraq äzer bulu mömkinlege turında beldergän ide.
Bu konstitutsiä bıyıl ütäçäk saylawlar aldınnan möhim adım bularaq kötelä.