Accessibility links

Кайнар хәбәр

London metrosında politsiä ber şiklene atıp üterde


Şahitlär Londonnıñ tönyaq-könbatışında politsiä qatnaşında zur operatsiä baruın kürüläre turında belderä. Şahitlär BBC televideniesenä Paddington poyezd stansiäse yanında politsiä xezmätkärläre cıyıluın kürüe turında belderde. London politsiäse şähärneñ könyağında metro tuqtalışında ber keşene atıp üterüen belderde. Ul keşe intixar şartlatuçı dip şiklänelgän digän raslanmağan xäbärlär bar. Politsiä süzçese äytüençä, ğadi keşe bulıp kiengän politsiä xezmätkärläre Stockwell Tube tuqtalışında beräwne atıp ütergän. London politsiäse başlığı İan Blair: AUDIO: Bu atış Londonda däwam itüçe häm köçäyä baruçı terrorğa qarşı operatsiä belän turıdan turı bäyle. Härber ülem bik tä qızğanıç. Minem añlawımça ul keşe politsiäneñ färmanına buysınmağan bulğan. Bu üterüne kürgän şahit Mark Whitby: AUDİO: Min uñğa borılğanda metro vagonına ber irneñ yögerüen kürdem. Ul bik tiz yögerä ide. Häm 5 tapqır attılar. Şahitlär bu oçraq turında törlese törke mäğlümät birä. Üterelgän keşedä bomba dip şiklänelergä mömkin rükzak bulğanmı-yuqmı ikänlege açıq tügel. Kiçä London metrosınıñ öç urınında häm ber aftobusta 3 uñışsız keçkenä şartlaw buldı. Ul şartlawlar näticäsendä beräw dä yaralanmadı. Politsiä xäzer şiklelärne ezli. 2 atna elek 4 intixar şartlatuçı London cämäğätçelek transportında 4 bomba şartlatıp 50-dän artıq keşene ütergän ide. Bügen äl-Qaidägä bäyle ber törkem Londondağı soñğı höcümnärne Ğiraqtan Britaniä ğäslärläre çığarılmıy torıp tınıçlanmıyaçağın kürsätü öçen oyıştıruı turında belderde. Äbü Hafs äl Masri brigadası dip atalğan bu törkem älege belderüen ber islamçı internet säxifäsenä çığardı.
XS
SM
MD
LG