Polşa bügen elekke Sovet blogındağı berençe bäysez "Berdämlek" isemle säwdä berlegeneñ 25 yıllığın bilgeli. İlneñ tönyağındağı Gdansk şähärenä 20gä yaqın däwlät başlıqları kilde. Krakow ataqayı Stanislav Dziwisz, "Berdämlek" barlıqqa kilüne iskä alıp wäğäz uqıdı. 31 avgustta barlıqqa kilgän irekle säwdä berlege – 1980nçe yılda Lenin isemendäge köymä tözü şirkätendäge qarşılıq çarasınıñ näticäse ide.
Xäräkätne citäklägän Lech Walesa, protest çarasında qatnaşqan meñlägän eşçe – Polşada kommunismnı yuq itüneñ töp köçe ide, dip söyläde:
"Minem buın, ber nindi atışu häm qan tügüsez, sistemanı, tarixi çornı üzgärtte. Ğadi itep äytsäk, bez monda Gdanskida, ayu başqalarnı teşli almasın öçen ayunıñ teşen sındırdıq," dide Walesa.
Gruziä prezidentı Mixeil Saakaşvili, üzen häm Ukraina prezidentı Viktor Yuçenkonı xakimiätkä kitergän xäräkätne – "Berdämlekneñ" ikençe dulqını bularaq qabul itüen belderde. Ul arada 25 yıl elek irekle säwdä berlege tuğan şul uq köymä tözü berläşmäse eşçeläre bügen naçar eş şartlarına zarlanıp uram cıyını uzdırdı.
Xäräkätne citäklägän Lech Walesa, protest çarasında qatnaşqan meñlägän eşçe – Polşada kommunismnı yuq itüneñ töp köçe ide, dip söyläde:
"Minem buın, ber nindi atışu häm qan tügüsez, sistemanı, tarixi çornı üzgärtte. Ğadi itep äytsäk, bez monda Gdanskida, ayu başqalarnı teşli almasın öçen ayunıñ teşen sındırdıq," dide Walesa.
Gruziä prezidentı Mixeil Saakaşvili, üzen häm Ukraina prezidentı Viktor Yuçenkonı xakimiätkä kitergän xäräkätne – "Berdämlekneñ" ikençe dulqını bularaq qabul itüen belderde. Ul arada 25 yıl elek irekle säwdä berlege tuğan şul uq köymä tözü berläşmäse eşçeläre bügen naçar eş şartlarına zarlanıp uram cıyını uzdırdı.
