Bügen Amerikanıñ könyaq yarınnan uzğan köçle Katrina dawılınnan soñ 4nçe kön – New Orleans şähärendä wazğiät naçarlana bara. Däwlät gvardiäsenä, şähärdä talap, keşelärne köçläp yärgännärgä qarşı ut açu färmanı birelgän. Şähär başlığı Ray Nagin xakimiätlärne faciğane beterü öçen kiräk qädär tiz reaksiä kürsätmäwdä ğäyepläde. Uzğan töndä New Orleansnıñ WWL-AM radiosına birgän äñgämäsendä, Nagin, yärdämgä xärbilär, avtobuslar, keşelär kiräk, dip belderde:
"Bu bik bik zur faciğa, min monı sürätli dä almıym, 15-20 meñ keşe qotqarunı kötä," dide New Orleans şähäre merı.
Distälägän meñ ğarasat qorbanı bügen dä aşsız häm susız utıra, şähärdä elektr energiäse yuq. Millionnan artıq keşe düşämbe könne dawılğa qädär şähärdän kitep ölgerde. Häläk bulğannarnıñ sanı bilgesez, ämma meñnärçä keşe ülgän dip farazlana.
New Orleansta qalğan ike Qazan qızı, Qazan Däwlät Universitetı talibäläre Älfiä Nasırova häm Yuliä Salexova uzğan töndä äti-änilärenä şaltrata alğan, alar Rusiädän kitkän tağın başqa studentalr belän bergä üzläre – berniçä distä meñ keşe cıyılğan üzäk sport sarayına barıp citülären ireştergän. Tatar-inform mäğlümat agentlığına Yuliäneñ änise Safia Salexova, balalarğa yärdäm itmilär, berençe çiratta amerikan watandaşlarına yärdäm kürsätälär, dip beldergän. Bügen bez Quşma Ştatlarnıñ Ğädättäntış Wazğiätne İdärä İtüneñ Federal Agentlığına, Louisina ştatı bülekçäsenä şaltratıp, ni öçen çit il watandaşlarına yärdäm kürsätelmi, dip soradıq:
"Bu döres tügel, yärdäm kürsätelmäwneñ säbäbe – alarnıñ rasa yä milläte tügel," dide agentlıq wäkile.
Dönya cämäğätçelege, NATO häm Berläşkän Millätlär Oyışması, Yevropa Berlege Quşma Ştatlarğa yärdäm itergä äzer buluların belderde. New Orleans şähärenä amerikan prezidentı George Bush kitte.
"Bu bik bik zur faciğa, min monı sürätli dä almıym, 15-20 meñ keşe qotqarunı kötä," dide New Orleans şähäre merı.
Distälägän meñ ğarasat qorbanı bügen dä aşsız häm susız utıra, şähärdä elektr energiäse yuq. Millionnan artıq keşe düşämbe könne dawılğa qädär şähärdän kitep ölgerde. Häläk bulğannarnıñ sanı bilgesez, ämma meñnärçä keşe ülgän dip farazlana.
New Orleansta qalğan ike Qazan qızı, Qazan Däwlät Universitetı talibäläre Älfiä Nasırova häm Yuliä Salexova uzğan töndä äti-änilärenä şaltrata alğan, alar Rusiädän kitkän tağın başqa studentalr belän bergä üzläre – berniçä distä meñ keşe cıyılğan üzäk sport sarayına barıp citülären ireştergän. Tatar-inform mäğlümat agentlığına Yuliäneñ änise Safia Salexova, balalarğa yärdäm itmilär, berençe çiratta amerikan watandaşlarına yärdäm kürsätälär, dip beldergän. Bügen bez Quşma Ştatlarnıñ Ğädättäntış Wazğiätne İdärä İtüneñ Federal Agentlığına, Louisina ştatı bülekçäsenä şaltratıp, ni öçen çit il watandaşlarına yärdäm kürsätelmi, dip soradıq:
"Bu döres tügel, yärdäm kürsätelmäwneñ säbäbe – alarnıñ rasa yä milläte tügel," dide agentlıq wäkile.
Dönya cämäğätçelege, NATO häm Berläşkän Millätlär Oyışması, Yevropa Berlege Quşma Ştatlarğa yärdäm itergä äzer buluların belderde. New Orleans şähärenä amerikan prezidentı George Bush kitte.
