Qırğızstan prezidentı Kurmanbek Bakiev xoquq saqlaw oyışmalarında korrupsiä bar dip çistartular ütkärergä çaqırdı. Bakiev uzğan töndä Bişkäk üzägendä bilgesez keşe ber deputatnı atıp ütergännän soñ aşığıç räweştä cıyılğan parlament utırışında çığış yasadı. 38 yäşlek Bayman Erkinbayev deputat qına tügel, baş eşmäkär häm Qırğız olimpiä komitetınıñ räise dä ide.
Parlament äğzalarına möräcäğät itep Bakiev alarnıñ qayberlären militsiägä häm başqa xoquq saqlaw oyışmalarına rişwät birüdä ğäyepläde.
Premyer ministr Feliks Kulov namuslı militsionerlar cinayätçelärgä qarşı köräşergä qurqa dide.
Erkinbayev soñğı 3 ayda üterelgän ikençe deputat. Yün ayında Jırğalbek Surabaldiev köpä köndez Bişkäktä üterelgän ide.
