Paqstan başqalasınnan kilgän xäbärlärgä qarağanda, totqarlanğan Taliban süzçese Ğäbdel Xäkim Latifi Paqstan tikşerüçelärenä Taliban başlığı, qaçqın mulla Möxämmät Omär Äfğänstanda dip beldergän.
Xäbär agentlıqları Paqstan küzläw xezmäte räsmieneñ Latifi tikşerüçelärgä Omär ölkän yardämçeläre belän cir iärçene telefonı aşa elemtädä tora digän süzlären kiterä.
Latifi sişämbe könne Paqstannıñ könyaq-könbatışındağı Baluçistan wilayätendä totıldı. Mäğlümät ministrı Şäyx Räşit Äxmät monı zur uñış dip bäyäläde. "Bez anıñ qulğa alınuı möhim mäğlümätlär birer dip isäplibez. Çönki ul kiñküläm mäğlümät çaraları belän eşläde, ul alarnıñ süzçese ide häm ul Taliban citäkçeläre belän tığız elemtädä tora. Bu bezneñ iminlek xezmätläreneñ häm qorallı köçlärebezneñ zur uñışı" dide Äxmät.
Äfğän xakimiätläre dä Latifinıñ qulğa alınuın xuplap Paqstanğa räxmät belderde.
Äfğän xakimiätläre dä Latifinıñ qulğa alınuın xuplap Paqstanğa räxmät belderde.
