İlneñ barlıq töbäklärendäge poçta idärälären berläştergän “Rusiä poçtası”na 1994елгы şartnamä buyınça “Tatarstan poçtası” quşılmadı. Ul Tatarstannıqı ğına bulıp qaldı. Ä bu cäydä “Tatarstan Poçtası” açıq aksioner cämğiätkä äylände. Monıñ öçen Federal' elemtä agentlığı Tatarstannıñ cir häm milek mäs’äläläre ministrlığın xökemgä tarttı. Çönki däwlät unitar oyışmaların Mäskäw iñ äwwäl federal' üzäk milke dip sanıy. “Tatarstan Poçtası”nıñ eşe 12 dekaberdä Tatarstannıñ arbitraj mäxkämäsendä qaralırğa tieş.
Alay ğına da tügel, bu könnärdä Tatarstanda “Rusiä poçtası”nıñ filialı barlıqqa kilde. Federal' üzäk wäkilläre älege filialnıñ barlıqqa kilü säbäben bola añlata. “Tatarstan Poçtası”nda Rusiä elemtä ministrçılığınıñ litsenziäse bügenge köndä yuq. Näticädä böten Rusiädä kürsätelä torğan elemtä xezmätlärennän Tatarstan xalqı faydalana almıy. Ä bu federal' elemtäneñ berdämlegenä qurqınıç belän yanıy di federallar. Şunlıqtan “Rusiä Poçtası” Tatarstanda filial açarğa mäcbür bulğan.
“Tatarstan Poçtası” isä älege litsenziäne alu öçen küptän tügel genä ğariza yazğan. Çönki älege dokument bulmasa, xatlarnı qabul itü, alarnı cibärü, ä xäzer poçta aşa aqça küçerüne dä oyıştıru röxsät itelmi. “Rusiä poçtası” filialı isä xatlar belän eşläwdän baş tarta. Çönki federal' üzäk filialınıñ Tatarstanda ber genä dä yärdäm strukturası yuq. Şunlıqtan iñ yaqın poçta tartmasın Tatarstannan tış ezlärgä turı kilmägäye. Läkin 1ноябрьдә genä federal' üzäk belän yaña şartnamä tözelgän. Tatarstan Poçtası” general' direktorı Ol'ğa Kuznetsova äytüençä, älege şartnamä buyınça “Tatarstan Poçtası”nıñ xatlar belän eş itü mömkinlege bulaçaq. Şulay da litsenziä bulmağaç, şartnamäne niçek tözep bula soñ, di belgeçlär? “Tatarstan Poçtası” direktorı isä lizenziäneñ barlığın äytä, döresräge litsenziäneñ belderüen Tatarstanğa cibärgännär inde. Ämma litsenziäne üzen federal' üzäk äle totqarlıy.
Kiläse yılda federal' üzäk “Rusiä Poçtası”n xosusıylaştırırğa niätli. “Vremya i dengi” gäzite yazğança, 1 noyäberdä “Tatarstan Poçtası” belän tözelgän şartnamälär barı tik kiläçäktä “Tatarstan Poçtası”nıñ kemneñ kontrolendä buluın bilgelär öçen kiräk.
Al'bina Zäynulla
