İke noyäberdä çärşämbe könne Tatarstan Prezidentı ber kiñäşmä ütkärgän. Anda ministrlar, şähär başlığı, arxitektorlar qatnaşqan. Qazannıñ näq üzägendä Mullanur Vaxitov häykäle belän Ermitaj baqçası arasında Nekrasov uramınıñ asqı öleşendä “Äkiät” qurçaq teatrınıñ yaña binası tözeläçäk. Bu urınnı Prezident üze saylağan, xäzer inde iñ uñaylı proyekt häm ber niçä million dollar aqça tabu mäsäläläre tikşerelä. “Äkiät” teatrınıñ bu binası bik üzgä, bik matur tieş dilär. Gayıt aldınnan başlanğan bu eşneñ axırı xäyerle bulsın.
Rimzil Wäli
