Terrorğa qarşı köräş räsmiläre Äfğänstandağı Amerikan totqarlaw üzägennän qaçqan Äl-Qaidäneñ töp suğışçılarınnan berse dip şiklänelgän keşe Könyaq Könçığış Aziädä iminlekkä qurqınıç tudıra dip belderde.
Kiçä AQŞ xärbiläre yül ayında Bagram hawa bazası yanındağı nıq saqlanğan totqarlaw üzägennän qaçqan terrorçı dip şiklänelüçe 4 keşeneñ berse Omar Äl-Färuq buluın rasladı.
Äl-Färüq Usama bin Ladennıñ Üzäk Aziädäge töp xärbi citäkçelärennän berse dip sanala. 2002-nçe yılda anı İndoneziä xakimiätläre qulğa alıp Quşma Ştatlarğa tapşırdı.
Associated Press xäbär agentlığı bügen İndoneziä häm Tailand iminlek xezmätläre Waşington äl-Färüqneñ qaçuı turında bezgä äytmäde dip belderde di.
İndoneziäneñ terrorğa qarşı köräş citäkçese, Äl Färüqneñ qaçuı Könyaq Könçığış Aziädä häm dönyada terrorçılarnıñ yaña buının ruxlandıra ala dide. AQŞ räsmiläre Bagram totqarlaw üzägendä iminlek nığıtıldı dip ışandıra.
