Ğiraqta ğisyançılar politsiä tikşerü qapqasına höcüm itep 6 politsiä xezmätkären üterde häm tağın 10-nı yaraladı.
Andağı politsiä äytüençä, alarğa törle yaqlap minaatqıçlar, raketaatqıçlar häm aftomat qorallar belän ut açqannar. Höcüm Bağdadtan 45 çaqrım tönyaqtağı Bohruz şähärendä buldı.
Tağın da tönyaqtaraq Tuz Xurmatu şähärendä yulğa quyılğan bomba bartlap 5 politsiä xezmätkären üterde, 4-ne yaraladı.
Bağdadta ğiraq politsiäse äytüençä, ğisyançılar Ğiraq hawa köçläreneñ elekke polkovnigın ütergän. Başqaladan könyaqtaraq ber amerikan soldatı ülgän. AQŞ xärbiläre äytüençä, anıñ üleme xärbi caralar belän bäyle tügel.
AQŞ xärbi räsmie Quşma Ştatlar kimendä 15 dikäberdä ütäçäk ilküläm saylawlarğa qädär Ğiraqta 160 meñläp amerikan xärbien totaçaq dide.
