Britaniädä yül ayında bulğan terror höcümnärennän soñ xäzergä qädär polisiä ike höcüm bulasın açıqlap moña qarşı çaralar kürgän. Bu xaqta bügen parlamentta terrorğa qarşı yaña qanunğa tawış birü aldınnan premyer-ministr Tony Blair belderde: "Bez polisiä däwlätendä yäşämibez. Ämma bezneñ ilgä terror yanıy, bezgä, tormışıbıznı cimerergä, ziyan kiterergä telägän citdi terror yanıy," dide Blair. Premyer-ministrnıñ, terrorda şiklänelgän totqınnar törmädä ğäyepläw belderelmiçä 90 köngä qadär qaldırıla ala digän täqdimenä oppozisiä qarşı çığa. Bügen irtän Blair, tawış birügä çit illärdä säfärdä bulğan ike ministrnı çaqırttı, dip xäbär itelä.
