Sintäber ayında Äfğanstanda uzğan parlament saylawlarınıñ näticälären iğlan itü yañadan kiçekterelde, bu yulı säbäbe – Qandahar vilayätendä bulğan qanun bozularnı tikşerü. Tikşerüne tämamlaw öçen tağın 1-2 kön kiräk bulaçaq, dip xäbär itelä.
Qanun bozularnı tikşerü waqıtında saylawlarda eşlägän 50 keşe wazifalarınnan alınğan, saylaw tartmalarınıñ 3%tı ğämäldän çığarılğan. Saylaw räsmiläre, qayber nämzätlärneñ, tawışlarnı yañadan sanaw üteneçen kire qağa.