Accessibility links

Кайнар хәбәр

Fälestinnär Yaser Arafatnı iskä aldı


Fälestinnär bügen ozaq yıllar yulbaşçıları bulğan Yasser Arafatnıñ yılın ütkärde. İskä alu mäclesen Ramalladağı fälestin xakimiäte başfatirında xäzerge citäkçe Mahmud Abbas alıp bardı. Qorän süräläre yañğrap torğanda Abbas häykäl kompleksına nigez taşı saldı. Pänceşämbe könne Reuters agentlığına birgän äñgämäsendä, Abbas, Arafat äle dä fälestin xalqı öçen bik qadärle, dip belderde: "Prezident Yasser Arafatnıñ ülemenä ber yıl tuluı – fälestin xalqınıñ Yasser Arafatnı onıtuın añlatmıy. Yasser Arafat här fälestinleneñ, här ğäräp keşeseneñ yörägendä, başında häm ruxında. Anıñ azatlıqqa taba här eşe – anıñ barmaq ezlären saqlıy. Şunıñ öçen Yasser Arafatnı onıtu – bik awır. Arafat 1965nçe yılda tözegän Fatah firqase şimbä könne Gazada başqa ber cıyın oyıştıra. 40 yıl fälestinnärne citäklägän Arafat uzğan yılnıñ 11nçe noyaberendä Fransiädä xastaxanädä wafat buldı.
XS
SM
MD
LG