Jerusalem -- Bügen Jerusalemda İzrail premier-ministrı İsxaq Rabin üterelügä 10 yıl tulu uñayınnan iskä alu çaraları ütte. Qunaqlar arasında Quşma Ştatlarnıñ däwlät sekretare Condoleezza Rice, elekke prezidentı Bill Clinton, İzrail premier-ministrı Ariel Şaron, Rabinnıñ qızı Daliä bar ide. Tantana başında Rabinnıñ 95 yılda Tel Avivta ütkän tınıçlıq çarasında, ütereler aldınnan yasağan soñğı çığışı yañğıratıldı. Bill Clinton üzeneñ qısqa çığışında bolay dide: "Rabin keşeçelek xaqına häläk buldı. Anı belgän, yaratqan keşelär bularaq - anıñ belän kileşsäk tä, kileşmäsäk tä – bez anıñ niçek yäşägänen häm niçek ülgänen onıtmasqa tieş." Soñraq Knessetta Rabin istälegenä maxsus utırış ütte.
