İran urannı gazğa äyländerüne yañartuın belderde. Bu atom bombası yasawda qullanıla torğan adımnarnıñ berse.
Fransiä tışqı eşlär ministrlığı İrannıñ tağın uran eşkärtüen tänqitläp çıqtı. Ministrlıq süzçese bu qarar yalğış yünäleştäge adım buldı dip belderde.
BMOnıñ atom energiäse idaräse İrannıñ BMO atom tikşerüçelären möhim xärbi urınnarğa kertmäwe turında xisap iğlan itte. Xisapta şulay uq İran atom bombası yasawda qullanılırğa mömkin uran bayıtu ısulın täfsille sürätlägän dokumentlar tapşırdı dielä. Anda İrannıñ BMO belgeçläre belän xezmättäşlekne arttıruın maqtağan süzlär dä bar.
Ämma İdarä başlığı Möxämmät äl-Baraday xisapta İran atom eşçänlegeneñ tulısınça ütä kürenmälelegen buldıru zarur häm kiçekkän di.
