Yerevan -- Ärmänstan oppozitsiäse yäkşämbedä ütkän referendum näticälären kire qağa. Saylaw räsmiläre, tawış birüdä saylawçılarnıñ 65%tı qatnaşqan, şularnıñ 93%tı referendumğa çığarılğan sorawğa uñay tawış birgän, dip belderä. Oppozitsiä mäglümätenä kürä, tawış birüdä küpkä azraq keşe qatnaşqan. Konstitutsiägä täqdim itelgän üzgäreşlär prezident wäkälätläreneñ ber öleşen parlamentqa tapşırunı küz aldında tota. Ämmä oppozitsiä, bu üzgäreşlär citärlek tügel dip belderä, häm prezident Robert Koçariannı 2008 yıldan soñ da xakimiättä qalu niätendä ğäyepli. Yevropa Şurası tawış birü waqıtında citdi tärtip bozlular turında belderde.
