Almatı -- Qazaxstan räsmiläre Üzäk Aziäneñ kürşe illärennän kilgän immigrantlarnı ildän çığaru kampaniäsen başladı. Uzğan şimbädä başlanğan bu kampaniä ber atna däwam itäçäk. Almatınıñ eçke eşlär bülege wäkile Arman Jusanbay radiobızğa äytüençä, şuşı waqıt eçendä Almatıda 546 çit il keşese totqarlanğan, 211e – ildän çığarılğan. Dokumentları döres bulmağan keşelär genä çığarıla. Här oçraq centekläp tikşerelä. Keşeneñ yäşäw, eşläw röxsäte bar ikän, aña berni yanamıy. Qanunsız yäşäwçelär ildän çığarılırğa tieş. Monıñ saylawlarğa ber bäyläneşe dä yuq, dide ul. Arman Jusanbay süzlärençä, ildän çığarılğannar arasında kübese tacıqlar, üzbäklär, berniçä qırğız bar, şulay uq ber törek häm Qıtay watansdaşı. Ul arada Qırğızstannıñ keşe xoquqların yaqlaw törkeme, Almatıdan quılğan 215 Qırğıznıñ eşläw röxsätläre bulğan, alar ildän qanunsız quılğan dip belderde.
