Analitiklar fikerençä, anda soñğı 16 yılda xakimiättä bulğan prezident Nursoltan Nazarbayev tağın 7 yılğa prezident bulıp saylanır dip kötelä. Başqala Astanädä tawış birgännän soñ Nazarbayev jurnalistlarğa Qazaxstanlılar säyäsi totrıqlılıq, küpmillätle xalqıbızbnıñ duslığı häm berdämlege öçen tawış birerlär, däwlätneñ şul yünäleştäge tärräqiäten saylarlar häm tizdän Qazax däwläte dönyada sänäğät yağınnan iñ alğa kitkän 50 il arasında bulır dip ömetlänäm. Bez ilebezneñ totrıqlılığın tä''min itäçäkbez. İqtisad üsäçäk. Häm iqtisadıy üseş belän bergä xalqıbıznıñ tormış şartları da yaxşıraçaq dide.
Nazarbayev bu saylawlar moñarçı kürelmägän däräcädäge demokratik şartlarda ütä dide.
Saylawlar aldınnan ğına ütkärelgän fiker beleşü näticälärenä qarağanda saylawçılarnıñ 70-läp protsentı Nazarbayev öçen tawış birer dip kötelä.
Astanädä Nazarbayev öçen tawış birgän ber saylawçı Abduraxman Min Nazarbayevnı sayladım. Çönki ul döres bara. Qazaxstanda iqtisad yaxşı ğına üsä. Ul Qazaxstannı iñ qıyın waqıtta yaqladı häm kütärde di.
Astanädä yäşäwçe tağın ber saylawçı Lola Xäydärova Prezidentıbız Nazarbayev öçen tawış biräm, çönki bez monda tınıçlıqta yäşibez häm Qazaxstan BDBdağı başqa illär belän çağıştırğanda yaxşı yäşi di.
Saylawlarda Nazarbayevnıñ 4 köndäşe dä bar. Fiker beleşülärgä qarağanda köndäşlär arasında iñ alda Jarmaxan Toyaqbay iñ alda bara. Bügen Toyaqbay jurnalistlarğa Minem fikeremçä, xakimiätlär xalıqnıñ demokratiä, ğädellek häm tärtip teläwen nihayät tanırlar. Minemçä il xalqınıñ küpçelege şuşı prinsiplar öçen tawış birer dip belderde.
Tabiğät xäräkäte namzäte Mels Eleusizov tawış birüçelärneñ saylaw mömkinlege kiñräk bulırğa tieş di. Min demokratiä yaqlı. Sez barı tik Nazarbayevnıñ ğına buluın telisezme? Namzätlär kübräk bulsın, keşelär iñ yaxşısın, üzläre telägänen saylıy alsın. Saylawlarnıñ asılı şunda. Bu demokratiäneñ asılı di Eleusizov.
Namzätlär arasında oppozitsion Aq Yul partiäse citäkçese Alixan Baymenov belän Kommunist Xalıq Partiäse wäkile Yerasel Äbelqasimov ta bar.
Oppozitsiä inde küptännän xakimiätlärne bu saylawlarda xärämläşergä tırışuda ğäyepläp kilä. Bügen oppozitsiä inde qayber qanun bozular buldı dip belderde.
Almatada tawış birgännän soñ Toyaqbay töbäklärdä saylaw qanunın bozu oçraqları turında xäbärlär bar dide. Anıñ äytüençä, berniçä tapqır tawış mömkinlege birüçe ikençe isemleklär dä bar. İnde äytkänebezçä, qanun bozular bulsa bez qanun häm konstitutsiä nigezendä alarğa qarşı protest belderäçäkbez dide Toyaqbay.
Eleusizov Qazaxstandağı säyäsi oppozitsiä moñarçı ütkän barlıq saylawlarda da barı tik saylawçılarnıñ passivlığı arqasında ğına ottırıp kilde dide.
Naif Aqmal, Praga.
Nazarbayev bu saylawlar moñarçı kürelmägän däräcädäge demokratik şartlarda ütä dide.
Saylawlar aldınnan ğına ütkärelgän fiker beleşü näticälärenä qarağanda saylawçılarnıñ 70-läp protsentı Nazarbayev öçen tawış birer dip kötelä.
Astanädä Nazarbayev öçen tawış birgän ber saylawçı Abduraxman Min Nazarbayevnı sayladım. Çönki ul döres bara. Qazaxstanda iqtisad yaxşı ğına üsä. Ul Qazaxstannı iñ qıyın waqıtta yaqladı häm kütärde di.
Astanädä yäşäwçe tağın ber saylawçı Lola Xäydärova Prezidentıbız Nazarbayev öçen tawış biräm, çönki bez monda tınıçlıqta yäşibez häm Qazaxstan BDBdağı başqa illär belän çağıştırğanda yaxşı yäşi di.
Saylawlarda Nazarbayevnıñ 4 köndäşe dä bar. Fiker beleşülärgä qarağanda köndäşlär arasında iñ alda Jarmaxan Toyaqbay iñ alda bara. Bügen Toyaqbay jurnalistlarğa Minem fikeremçä, xakimiätlär xalıqnıñ demokratiä, ğädellek häm tärtip teläwen nihayät tanırlar. Minemçä il xalqınıñ küpçelege şuşı prinsiplar öçen tawış birer dip belderde.
Tabiğät xäräkäte namzäte Mels Eleusizov tawış birüçelärneñ saylaw mömkinlege kiñräk bulırğa tieş di. Min demokratiä yaqlı. Sez barı tik Nazarbayevnıñ ğına buluın telisezme? Namzätlär kübräk bulsın, keşelär iñ yaxşısın, üzläre telägänen saylıy alsın. Saylawlarnıñ asılı şunda. Bu demokratiäneñ asılı di Eleusizov.
Namzätlär arasında oppozitsion Aq Yul partiäse citäkçese Alixan Baymenov belän Kommunist Xalıq Partiäse wäkile Yerasel Äbelqasimov ta bar.
Oppozitsiä inde küptännän xakimiätlärne bu saylawlarda xärämläşergä tırışuda ğäyepläp kilä. Bügen oppozitsiä inde qayber qanun bozular buldı dip belderde.
Almatada tawış birgännän soñ Toyaqbay töbäklärdä saylaw qanunın bozu oçraqları turında xäbärlär bar dide. Anıñ äytüençä, berniçä tapqır tawış mömkinlege birüçe ikençe isemleklär dä bar. İnde äytkänebezçä, qanun bozular bulsa bez qanun häm konstitutsiä nigezendä alarğa qarşı protest belderäçäkbez dide Toyaqbay.
Eleusizov Qazaxstandağı säyäsi oppozitsiä moñarçı ütkän barlıq saylawlarda da barı tik saylawçılarnıñ passivlığı arqasında ğına ottırıp kilde dide.
Naif Aqmal, Praga.