İrannıñ matbuğat çaraları kiçäge oçqıç häläkätenä räsmi añlatmalar täläp itä. Kiçä yulçılarnıñ kübese jurnalistlar bulğan oçqıç Tährannıñ keşelär yäşägän bistäsendä 10 qatlı binağa töşte, näticädä kimendä 116 keşe häläk buldı. Oçqıçta texnik xata bulğan dip xäbär itelde. İrannıñ köndälek Hämşahri basması, häläk bulğan ber jurnalistnıñ xatını süzlären kiterep, ireneñ aña faicğa aldınnan şaltratqanın, oçuçınıñ texnik problemalar arqasında yulğa çığudan baş tartuı turında xäbär itkänen yazıp çıqtı. İran xärbi köçlär başlığı Amir Nami, oçqıçnıñ texnik citeşsezleklär bula torıp hawağa küterelüen kire qaqtı, bu döres tügel, dide. Yevropa Berlege, Xalıqara Jurnalistlar Federasiäse häm Törkmänstan İranğa qayğı urtaqlaşu xatları cibärde.
