11 dikaberdä Mäskäwneñ tatar Mädäni üzägendä tatar yäşläreneñ tügäräk östäle ütte. Mäskäwdä yäşlär oyışması baytaq qına. Mäskäw tatar studentları cıyılışı, “Aq bars” oyışması, Tatarstan dusları Qardäşlek oyışması, Mäskäw pedagogiä universitetında uquçı tatar törkeme şäkertläre dä, Tatar milli mädäni avtonomiä qarşındağı tatar yäşläre berläşmäse häm başqalar bar. 11 dikaber könne mädäni üzäkkä bernindi oyışmada tormağan yäşlär dä küp kenä kilgän ide. Şunıñ östenä tügäräk östäl utırışınnan soñ alar Qazan däwlät universitetınıñ jurnalistlar fakul''tetı oyıştırğan “Acağan” teatrı spektaklen dä qaradılar. Bu oçraşuda här oyışmadan kilgän wäkil üz oyışması . turında söyläp kenä qalmadı, berläşü berdämlek, urtaq çaralar digän temalarğa da süz alıp bardı.Şunıñ östenä bıyıl berençe tapqır mädäni üzäktä Mäskäw yäşläreneñ yaña yılğa bağışlanğan kiçäse da ütäçäk. Anı niçek ütkärü xaqında da söyläştelär tügäräk östäl utırışında. Oçraşuda qatnaşqan Mäskäw milli mädäni möxtäriät citäkçese räise Aqçurin da üz çığışında berdämlek kiräklege turında äytep kitte. Tatarnıñ berdämlege maqsat ta şul maqsatqa ireşer öçen yul, çara da dide Räsim Aqçurin. Ul şulay uq Mädäni üzäk qarşında yäşlärneñ üz oyışması bulırğa tieş. Mädäni üzäk çaqıru belän genä tügel. Üz çaraların yäşlär üzläre planlaştırıp, üzläre oyıştırırğa tieş dide.
Ä inde Qazan studentlarınıñ “Acağan” teatrı Mäskäwdä berençe tapqır ğına tügel uzğan kilgändä alar Tufan Minnullinnıñ “Ay bulmasa yoldız bar” dramasın kürsätkän bulsalar. Bu kilüdä Danil Salixovnıñ “Qızlar qapqını” dip atalğan komediäsen täqdim ittelär. Tügäräk östäl utırışınnan soñ “Acağan” teatrı citäkçese Rail Ömetbaev belän yäşlär oyışması, tügäräk östäl temaları häm Qazanda oyışıp kilüçe “Üzebez” dip atalğan yäşlär xäräkäte turında da söyläşep aldıq. Ul elemtälär nıği bara. Sıyfatlı çaralar ütkärer öçen Mäskäwgä Qazansız mömkin tügel dide. “Üzebez” xäräkäte turında Rail Ömetbaev, alarnıñ maqsatları belän min kileşäm. Ul:“Xäräkättä belgeçlär dä - sotsiologlar , yuristlar, şulay uq finans yaqtan tayanırday keşelär bulırğa tieş”,- dide
Näzifä Kärimova
