İran prezidentı Mäxmüt Äxmädinicat bügen İzrail'gä süz höcümen yañartıp Holokostnı uydırma dip atadı. Äxmädinicat xätta Holokost çınlıqta bulğan bulsa da İzrail' Yaqın Könçığıştan küçerelergä tieş dide.
"Ägär sez şundıy cinayät qılğansız ikän, üz ciregezneñ ber kisägen, Yewropanıñ, Quşma Ştatlarnıñ, Kanadanıñ yäki Alyaskanıñ ber öleşen üz däwlätlären tözü öçen Yähüdlärgä birü yaxşı bulır" dide Äxmädinicat.
Äxmädinicatnıñ İrannıñ könyaq-könçığışındağı Sistan-Baluçestan wilayätendä meñnärçä keşe aldında yasağan çığışı Xäbär yañalıqlar çeltärendä turı efirda kürsätelde. İzrail', Germaniä häm Yewropa Berlege häm Quşma Ştatlar Äxmädinicatnıñ bu belderüen ğäyepläp çıqtı. Elegräk Äxmädinicatnıñ İzrail'ne xaritadan sörtep taşlarğa çaqıruların BMO häm başqa küp kenä illärneñ citäkçeläre dä xökem itkän ide. Yewropada İkençe Dönya suğışı çorında Natsilar alıp barğan Holokost näticäsendä 6 millionlap yähüd hälak bulğan.
