Accessibility links

Кайнар хәбәр

Törkiädä küpçelek bäyräm itä, qayberäwlär suğışa


Hämmä Islam dönyası Qorban ğäyeten bäyräm itä. Läkin möselmannarda da berdämlek bulmaw arqılı, ğäräplär 19-nda töreklär 20-sendä bäyrämneñ berençe könendä ğäyet namazına bardılar, qorbannar çaldılar, tuğannarı, iş dusları belän bäyrämnäşä başladılar.


Törkiädä qorban bäyrämendä dürt kön räsmi yal bulu säbäple tik avtobuslar belän genä öç million keşe ber urınnan başqasına säyäxät itäçäk. Tabiği bäyräm qorbansız bulmıy, avariälärdä baytaq keşe üläçäk. Şulay da xalıqta zur şatlıq xisläre buluı sizelä. Bäyräm ul küñellär neçkärgän, duslıq xisläre üskän ber waqıt. Bigräktä Törkiä kebek küpçelege möselman bulğan ber ildä monısı tulısınça sizälä. Şiksez bäyräm yarlılar, xastalar häm ulları, tuğannarı xärbi xezmättä bulğannar öçen ul xätle dä zur şatlıq tügel. Mäğlüm Törek Qorallı Köçläreneñ Tönyaq Ğiraqtağı idän astı körd partizan oyışması PKK xärbi bazalarına xärbi operatsiäse başlattı. Başta bu turıda törek xärbi oçqıçları bazalarnı bombaladı, xärbi otryadlar çikne ütep kerde, bäreleşlär däwam itä kebek xäbärlär bulsa da, ber-ike kön bu operatsiälärgä senzura quyıldı. Inde balaları suğış qırlarında bulğan ata-analar ut östendä utıralar, xäbär kilmi, balalarına ni buldı belmilär.
20-nçe Dikaberdä bäyrämneñ berençe könendä Hörriyät gazetasında “Çığışı belän Rus PKK partizanı faş itä” digän xäbär basılıp çıqtı. Rossiä watandaşı Vladimir Anatoliy Kapılov Tönyaq Ğıyraq belän Törkiä arasındağı Habur çik noqtasında Törek saqlıq köçlärenä birelgän. Anıñ törek mäxkämäsendä üze häm PKK turında äytkän süzläre baytaq qızıqlı. Şularnıñ ber öleşen tapşırmaqçı buldıq:
Seberdä tudım. Kandil tawında törle bazalarda otryad komandirlığı vazıyfasın ütädem. Rossiäneñ törle oçqıçlar maydanında texnikar bulıp eşlädem. Mäskäw aşa Teheranğa barıp şunnan soñ PKK saflarına quşıldım. Rossiädä çaqta ber iptäşem Vitaliy Razyayev Ğıyraq xökümätenä qarşı suğışqan PKK isemle ber oyışmanıñ ayına ike meñ dollar aqça birgänen äytkän ide. Min PKK-ğa quşılğannan soñ bu oyışmanıñ Törkiägä qarşı köräşep, anda Kördistan digän däwlät tözergä teläwen añladım. Başta minnän agent dip şikländelär. PKK qulındağı qorallarğa kilsäk anti tank häm anti personal minalar AQŞ belän İzraeldän kilä, kesä telefonnarı Hollandiädän, raketalar Ermänistan aşa kilä. AQŞ Ğıyraqnı basıp alğaç, elekke Ğıyraq armiäsendäge baytaq qoral belän amunitsiä PKK qulına eläkte. PKK berük waqıtta törek xärbi oçqıçlarına qarşı urıs Stella tibındağı raketalar satıp aldı. Ayruca anti-oçqıç qorallar bar. Ğomumän soñğı waqıtlarda PKK partizannarı psixologik töşenkelekkä sabıştı. Inde alar suğışırğa telämi. Läkin monı äytergä qurqalar. Hämmäse çit illärdä çığaçaq amnistiä qanunnarın kötälär
Menä Törkidä bäyrämneñ ike suräte. Bäyrämnär qotlı bulsın!
XS
SM
MD
LG