АКШтагы беренчел президент сайлауларында Обама белән МакКейн җиңде

Барак Обама белән Джон МакКейн ноябрьдә үтәчәк президент сайлауда үз партияләренең намзәтләре булуга таба тагын да якынайды.

Сишәмбе көнне Вирджиния, Мэрилэнд штатларында һәм башкала Вашингтонда Демократларның чираттагы беренчел сайлавында Обама сенатор Һиллари Клинтонны ышанычлы җиңүгә иреште.

МакКейн да шул ук штатларда җиңүгә ирешеп көндәше Майк Һакабидан өстенлеген ныгытты.