Accessibility links

İnternetta inqilab başlana


Tatar internetına möstaqil domen iseme dawlawçılar öçen quanıçlı xäbär: 2009 yıldan ICANN irekle isemnär terki başlıy.

Xäzerge waqıtta internettağı här adres ICANN tarafınnan terkälgän isem belän tämamlanırğa tieş. Alar yä ike xäreftän torğan il qısqartmaları (ru – Rusiä, tr – Törkiä, us – Quşma Ştatlar), yä com, org kebek maxsus isemnär.
ICANN -Internet Corporation for Assigned Names and Numbers – internetta "tärtip urnaştıruçı", isemnär terkäwçe AQŞta urnaşqan, tabış qazanmağan oyışma

Soñğı 5-10 yılda intenetnıñ qotırıp üsüe säbäple, isemnärgä barlıqqa kilde. Yaña säxifälärgä isemnär citmi başladı.

Berniçä yıl elek aero, biz, info kebek berniçä yaña isem terkälgän ide. Läkin bu ğına wazğiätne xäl itä almıy.

26 iyün könne ICANN idaräse Parijda ütkän oçraşuda kiläse yıldan başlap irekle isemnär terki başlarğa qarar itte.

Yağni, oyışmalar, şirkätlär, xättä ayırım şäxeslär telägän domen isemen sorap möräcäğät itä alaçaq. Şul isäptän, tatar, tatarstan, qazan kebek isemnärne.

Terkäw bäyäse älegä tögäl bilgele tügel, 150-500 meñ dollar çaması bulır dip kötelä.

Tağın ber möhim yañalıq – domen isemnärendä latin ğına tügel, ä kiril, ğaräp häm qıtay imlasın qullanu röxsät iteläçäk.

Andıy isemnärgä ixtıyac internetta ingliz telen belmägän qullanuçılar artu säbäple tudı.

ICANN räise Peter Dengate Thrush süzlärençä, bu üzgäreşlär tormışqa aşsa, "İnternetnıñ qıyäfäte häm eşläw räweşe tamırdan üzgäräçäk."

XS
SM
MD
LG