2019 елда республикада 12846 кеше үлгән, бу узган елдагыдан 2,7 процентка кимрәк.
Татарстанда үлүчеләр саны кими. 2019 елда 12 мең 846 кеше үлгән, бу узган елдагыдан 2,7 процентка азрак, ә соңгы 26 ел өчен иң түбән күрсәткеч дип сөйләгән Казанның загс идарәсе башлыгы Римма Миңнуллина. Аның сүзләрен "Татар-информ" китерә.
Үлүчеләрнең яртысы – 75 яшьтән узган кешеләр. Казанда туучылар саны үлүчеләрдән өч тапкыр артыграк булган.
Узган елның декабрендә Русиядә халык санының табигый кимүе соңгы унбер елда иң югары күрсәткечкә җиткәнлеге билгеле булган иде.