Башкортстан да Европа телләр хартиясен раслау яклы

Башкортстан Дәүләт Җыелышы – Корылтай Татарстан Дәүләт Шурасының Төбәк телләре яки азчылыклар телләре Европа хартиясен ратификацияләү кирәклеге турында Русия президенты Дмитрий Медведевка, Русия хөкүмәте башлыгы Владимир Путинга, Федерация Шурасы рәисе Сергей Мироновка һәм Дәүләт Думасы рәисе Борис Грызловка юллаган мөрәҗәгатенә бертавыштан хуплау белдерде.

Бу карарны парламентка Җирле үзидарә һәм иҗтимагый берләшмәләр комитеты тәкъдим итте.