Клинтон Иранны хәрби куәт арттырудан баш тартырга өндәде

Вашингтон – Кушма Штатлар дәүләт секретаре Һиллари Клинтон Иран халкын хәрби куәтен арттырудан баш тартырга өндәде.

Якшәмбедә ABC телевидениесенә биргән әңгәмәсендә Клинтон, Иранның ашкынып кораллануы Кушма Штатларда зур борчылу уята, диде. Мондый борчулар Иранның үзендә дә бар, дип өстәде ул.

Клинтон, ираннар ашкынып кораллану юлына тайпылмас, дигән өметен белдерде.