Мәскәүдә Дагыстаннан гаскәргә алынган егетнең мәете табылган

Мәскәүнең көньягында Махачкаладан армия хезмәтенә алынган егетнең мәете табылган. “Интерфакс” хәбәр итүенчә, әлеге хәл Көньяк Чертановода эчке эшләр министрлыгының хәрби частьларның берсендә булган. Егет хәрби машинада каешка асылынган килеш табылган. Ул шушы машинаның йөртүчесе булган.

Хәзер тикшерү эше бара.