Казан полицияcе башлыгы мигрантлар эшләгән урыннарда "киңәшләр бирәчәк"

Волгоградта шартлаулардан соң Казанда халык күп җыелган урыннарда өстәмә иминлек чаралары күрелә. Метро, тимер юлы, базарлар, кибетләр һәм шәһәр үзәге сак астына алынды.

"Эфир" телерадио ширкәте хәбәр итүенчә, Казан полициясе башлыгы Валерий Красильников кушуы белән Казанда яшәүче Таҗикстан, Үзбәкстан, Азәрбайҗан һәм Төньяк Кавказ вәкилләре белән "аңлату" эшләре башланачак. Алар эшләгән ширкәтләргә "киңәшләр биреләчәк".