Accessibility links

шимбә, 10 декабрь 2016, Казан вакыты 02:12

2014тә Русия гастарбайтерлар өчен иң табышлы ил булган


Мәскәүдәге Таҗикстан эшчеләре

Мәскәүдәге Таҗикстан эшчеләре

Кризиска карамастан 2014 елда Русиядә эшләп табылган $20.6 млрд чит илләргә киткән. Гастарбайтерлар өчен Русиядә эшләү Европага караганда күбрәк акча китерә.

Халыкара авыл хуҗалыгы үсеше фонды (International Fund for Agricultural Development, IFAD) әзерләгән "Өйгә акча җибәрү" исемле хисапка караганда, 2014 елда Африкадан алып Көньяк-Көнчыгыш Азия һәм Латин Америкасы илләренә Европада эшләп табылган $109.4 млрд акча киткән, бу акча 150 млн. кешегә яшәргә җиткән.

Русиядән гастарбайтерлар гаиләләренә $20.6 млрд, Германиядән $14 млрд, Британиядән $17,1, Франциядән $10.5 млрд, Италиядән $10.4 млрд, Испаниядән $9.6 млрд акча җибәргән. Кризиска карамастан 2014 елда гастарбайтерлар өчен Русиядә эшләү Европа илләренә караганда табышлырак.

Русиядән акчаларның күп өлеше Үзәк Азия илләренә, Франциядән Төньяк Африкага киткән.

XS
SM
MD
LG