Washington -- Ülemgä xökem itelgän oçraqta Saddam Xösäyen asıluğa qarağanda, atılunı xubraq kürä. Bu turıda bügen Washington Times gäzite yazıp çıqtı. Gäzit yazuınça, Saddam bu telägen üzeneñ advokatı İssam Ğazzawiğa äytkän. Uzğan ayda Saddam belän oçraşqanda Ğazzawi, amerikan advokatı Ramsey Clark belän, aña ülemgä xökem itelü ixtimalı turında äytkännär. Moña cawap itep Saddam – "Min xärbi citäkçe, min atılunı xubraq küräm" digän. Saddam Xösäyen keşeçelekkä qarşı cinäyät qıluda ğäyeplänä. Anıñ östennän mäxkämä 24 Ğinwarda yañartıla.
