Paqstannıñ şuşı şähärendäge ber mulla häm anıñ tarafdarları Möxämmät päyğämbär karikaturaların yasağan daniäle rässamnarnı ütergän här keşegä 1 million dollardan artıq büläk wäğdä itä. Başta ber Daniä basmasında, soñraq törle illärdä küçerep bastırılğan bu räsemnärgä möselman dönyasın protest belderä.
Pişawar mullası Yosıf Qureşi mitingta çığış yasap ägär Könbatış Usama bin Laden öçen büläk wäğdä itä ala ikän Möselmannar da päyğämbärne mısqıllağannar öçen şulay eşli ala dide.
Bügen Daniä Paqstandağı ilçelegen waqıtlıça yabıp ilçesen kiñäşläşülär öçen Kopenhagenğa qaytaruın belderde. Tähranda bügen 50-läp demontratsiäçe Daniä ilçelege qarşında täre yandırdı. Hoñ Koñ belän Bangladeşta da protest demonstratsiäläre ütte.
