«Rusiä – İslam dönyası» dip atalğan strategik küzallaw törkemeneñ çirattağı utırışı 29-30 augusta Qazanda uzaçaq. Bu xaqta bügen, Mäskäwdä xalıqara säwdä üzägendä ütkän matbuğat oçraşuında, tışqı eşlär ministrlığınıñ Íslam konferensiase oyışması häm başqa íslam oyışmaları belän bäyläneş öçen cawaplı bulğan maxsus wäkile Veniamin Popov xäbär itte. Rusiäneñ íslam illäre belän törle ölkälärdä eşberlegen kiñäytü yözennän oyıştırılğan şuşı törkem kiñäşmäsendä gäräp illärenän 15 wäkil qatnaştı. Alar arasında Törkiä, İran, İordania, Söged Gäräbstanı, Quweyt wäkilläre dä bar ide.. Mondıy kiñäşmä utırışları yıl sayın ütäçäk.
