Accessibility links

дүшәмбе, 5 декабрь 2016, Казан вакыты 11:43

Ufadağı tatar gimnaziäse tözeleşe tiräsendä tartqalaş däwam itä


Ufada tatar gimnaziäse öçen dip tözelüçe bina tiräsendä başlanğan tartqalaş xaqında söylägän idek inde. Mäğlüm buluınça, Başqortstan tatar cämäğätçelek oyımaları berlege räise Ramil Bignov uzğan yıl azağında Ufa üzägendä üz şirkäte tözetä başlağan binanı tatar gimnaziäse itep tözep beterü öçen tapşırırğa qarar itkän ide. Ämma şuşı bina tiräsendä añlaşılmağan xällär başlandı. Bu bina tieşle dokumentlar räsmiläşterelmiçä tözelä, dip anı Başqortstan Arbitraj mäxkämäse sütärgä digän qarar çığardı. Atnakiç könne binanı cimerü öçen, awır texnika kilgän ide. Ämma tatar milli xäräkäte wäkilläre qulğa-qul totınışıp, tere çılbır buldırdı häm anda texnikanı ütkärmäde.

Comğa könne älege binağa yañadan kilüçe texnika bulmağan. “Şuña da qaramastan, tatar oyışmaları wäkilläre biredä täwlek äylänäse dejurlıq oyıştırırğa buldı, - di Ramil Bignov. – Älege mäs’älägä iğtibar cälep itü öçen, tatar oyışmaları citäkçeläre comğa könne cıyılışıp, Rossiä Prezidentı Xaqimiätenä maxsus möräcäğät äzerläde. Kiläse atna başında anı Mäskäwgä iltep tapşıraçaqbız”.

Şulay itep Ufadağı tatar gimnaziäse tözeleşe tiräsendäge tartqalaş zur yañğıraş alırğa da mömkin. Härxäldä, Başqortstan tatar milli xäräkäte citäkçeläre Mäskäw yağınnan bu xälgä nindi dä bulsa mönäsäbät kürsätelüenä ömetlänä.

XS
SM
MD
LG