Fransiä prezidentı Jacques Chirac idaräse äytüençä, Chirac häm Germaniä Kanslerı Angela Merkel yäkşämbe telefon aşa söyläşep BMO İminlek Şurası İrannı uran bayıtudan tuqtalırğa mäcbür itüçe resolütsiä çığarırğa tieş dip kileşkän.
Germaniäneñ ARD televideniesenä interviewda AQŞ prezidentı George Bush Tährannıñ atom eşçänlegenä qarşı berdäm xalıqara front buldırırğa çaqırdı. Bush İranğa atom qoralına iä bulu mömkinlege birelmäskä, anıñ atom qoralı yasaw öçen beleme dä, mömkinlege dä bulmasqa tieş dide.
