Accessibility links

шимбә, 10 декабрь 2016, Казан вакыты 15:46

Ukraina säyäsi firqäläre tügäräk östäl söyläşüen pänceşämbegä kiçekterde


Kievta parlament krizisınnan çığu yulların tikşeräçäk “tügäräk östäl” utırışı pänceşämbe bulırğa tieş. Ul çärşämbegä bilgelängän ide.

Prezident yaqlı “Naşa Ukraina” yağı “krizisqa qarşı” koalitsia xökümät başı itep täqdim itkän Viktor Yanukowiçqa qarşı. “Naşa Ukraina”, parlament berlegendä kommunistlar da bulu şartı belän, bulaçaq “kiñ” koalitsiagä kerergä äzer.

Tügäräk östäl utırışında Yulia Timoşenko bloğı qatnaşudan baş tarttı. Timoşenko üze isä: “Bez Ukraina prezidentınnan bernindi dä çaqıru, yäki “tügäräk östäl” turında xäbär almadıq. Jurnalistlardan da ber kemne dä çaqırmağan. Min prezident sekretariatı belän bäyläneşkä kerdem. Bu tügäräk östäl turında ber kem dä bernärsä dä belmi”,- dide.

Düşämbe könne, konstitutsia nigezendä, yaña xökümät buldıru waqıtı çıqtı. Häm prezident Yuğarı Radanı tarata ala.

XS
SM
MD
LG