Accessibility links

якшәмбе, 4 декабрь 2016, Казан вакыты 11:10

Balıqçı cäsadı Yaponiägä tapşırıla


Rusiäneñ çik saqçıları çärşämbe köymäne totqarlağanda hälaq bulğan Yaponiä balıqçısı mäyeten şimbä könne Yaponiägä biräçäklär. Mäskäw häm Tokio bu xaqta kileşügä ireşte. Cäsadnı alırğa kilgän Yaponiäneñ saq köymäse Yujno-Kurilskiyğä kerü öçen Rusiäneñ çik buyında yözä. Aña älegä dawıl qomaçawlıq itä. Yaponiä tışqı eşlär ministrınıñ berençe urınbasarı Yasonurí Siotzaki Mäskäwgä kilde. Rusiäneñ Federal iminlek häm tışqı eşlär ministrlığı wäkilläre belän ul bu xäl turında söyläşäçäk. Saxalínda Yaponiä köymäse qäpitanına qarşı cinayät eşe quzğatılğan. Ul çik bozuda häm qanun bozıp diñgez qıslası totuda ğäyeplänä.

Yaponia Rusiädän diñgezçe üleme öçen ğafu itüne taläp itä, ä Mäskäw çik saqçıları qanun bozmadı dip üzenekendä tora.

XS
SM
MD
LG