A-310 oçqıçında qazağa yulıqqannarnıñ tuğannarı İrqutski mäxkämäsenä möräcäğät itte. Alar “Sibir” hawa şirkätennän mätdi häm ruxıy yuğaltularnı qaplawnı täläp itä. Qazada xatının häm qızın yuğaltqan Konstantin Slastin ruxıy zıyan öçen 600 meñ dollar taläp itä. Ul şulay uq kümügä kitkän çığımnarnı qaplawların häm änisez qalğan ikençe qızına ğömerlek pensiä birüne sorıy. Slastinnıñ advokatı İğör Trunov süzlärençä, tağın şundıy bernçä eş quzğatılğan. 9 nçı yül könne İrqutski hawa alanındağı qazada 124 keşe ülgän ide.
