Accessibility links

сишәмбе, 6 декабрь 2016, Казан вакыты 06:06

Şärqiät qorıltayı bulıp uzdı


Ufada şärqiät ğälimnäreneñ bişençe Bötenrusiä qorıltayı bulıp uzdı. Anı açu çarasında qatnaşqan respubliknıñ mädäniät häm milli säyäsät ministrı İldus İleşev Petr I Awropağa täräzä tişsä, başqortlarnıñ quşıluı Aziägä täräzä tişügä tiñ dide. Çara qısasında başqortlarnıñ üz teläkläre belän Rusiägä quşılularınıñ tarixi ähämiäte turında simpozium bulıp ütte.

27 sentäbr bilgele ğälim, tarix häm şärqiät belgeçe Rail Kuzeyev yäşägän yortqa taqtataş açıldı. Anda qorıltay delegatları häm qunaqları da qatnaştı.

Forum üzeneñ eşen seksiälärdä däwam itkännän soñ anda qabul itelgän rezolyutsiälär belän tanıştılar häm urtaq doqumentlar qabul ittelär. Anda respublik yuğarı uqu yortlarınıñ bersendä şärıq fakultetı açu da qaralğan. Fakultet Başqort däwlät universitetında açılır dip küzallana. Bu yuğarı uqu yortında bügen başqort filologiäse häm filologiä fakultetları eşli. Filologiä fakultetı urıs häm tatar belgeçläre äzerli. Fakultetta tatar kafedrası da eşli. Şärıq fakultetı açılğan oçraqta, tatar qäfedrası beterelep, anıñ şärıq fakultetında “erep” betü qurqınıçı bar.

XS
SM
MD
LG