“Sibir” hawa şirkäte ğäyeplänä

Rusiä başqalasınıñ Zamoskworeski mäxkämäse İrkutskida bulğan Airbus A-310 oçqıçı qazasında ülgännärneñ tuğannarı ğarizaların qarıy başlıy. Qazada xatının häm qızın yuğaltqan Konstantin Slastin 600 meñ dollar aqça häm änisez qalğan ikençe qızına ğömerlek pensiä tüläwne taläp itä.

Advokat İgor Turanov äytüençä, “Sibir” hawa şirkäten ğäyeplägän tağın şundıy berniçä ğariza äzerlänä. 9 yül könne İrkutski hawa alanında bulğan qazada 124 keşe ülgän ide.